Банк Башкармасы

Пекин тил жана маданият университетинин бүтүрүүчүсү. Банк секторунда 13 жылдан ашык кесиптик тажрыйбага ээ, тобокелдиктерди башкаруу, корпоративдик финансы жана эл аралык банк структураларында кредиттик процесстерди өнүктүрүүгө басым жасайт.

Өз карьерасын дүйнөдөгү ири банктардын бири, Кытайдын "Чоң төрттүгүнө" кирген Industrial and Commercial Bank of China (ICBC) системасында баштап, өнүктүргөн. Ал жерде Пекин, Шанхай жана Ханчжоу шаарларындагы бөлүмдөрдө иштеген. Андан ары кесиптик ишин Казакстан Республикасынын Алматы шаарындагы ICBC филиалында улантып, аймактык деңгээлде корпоративдик банктык операцияларды жана тобокелдик функцияларды өнүктүрүүгө катышкан.

Кесиптик ишмердүүлүгүнүн алкагында тобокелдиктерди башкаруу жана корпоративдик финансы сыяктуу негизги функционалдык багыттар боюнча жетектөөчү кызматтарды аркалаган:

• Финансы институттарын башкаруу бөлүмүнүн тобокелдиктерди башкаруу башчысы;
• Тобокелдиктерди башкаруу департаментинин директору;
• Корпоративдик финансы департаментинин директорунун орун басары.

Корпоративдик жана чекене насыялоо, насыялык келишимдерди түзүү, ошондой эле банктык уюмдарда тобокелдиктерди башкаруу системаларын куруу жана өркүндөтүү боюнча олуттуу практикалык тажрыйбага ээ. Насыялоо процесстерине тобокелдикке багытталган ыкмаларды киргизүү жана насыялык портфелди контролдоону күчөтүү боюнча тажрыйбасы бар.

2025-жылдын 27-октябрынан тартып Директорлор кеңешинин жалпы чогулушу тарабынан "Алма Финанс Банк" ААКынын Башкармалыгынын төрагасынын орун басары кызматына шайланган.

Кытай, орус, казак, кыргыз жана англис тилдеринде сүйлөйт.

Жусуп Баласагын атындагы Кыргыз улуттук университетин "Финансы жана кредит" адистиги боюнча аяктаган.

Банк, финансы жана мамлекеттик секторлордо көп жылдык иш тажрыйбасы бар. "Толубай АКБ" банкында бухгалтер жана кредиттик экономист кызматтарында иштеп, кесиптик ишмердүүлүгүн баштаган.

Кийинчерээк, финансылык мекемелерде жетекчилик кызматтарды аркалаган, анын ичинде:

"ЭнергоБанк" ААКнын Кара-Балта филиалынын башкаруучусу;

"Финанс Кредит Банк"та жетекчилик кызматтар.

Мамлекеттик сектордо да тажрыйбасы бар — Кыргыз Республикасынын Экономика министрлигинде министрдин кеңешчиси жана башкармалыктын башчысы болуп, ишкердикти жөнгө салуу жана өнүктүрүү маселелерине жооптуу болгон.

2015-жылдан баштап "Алма Кредит" МФК ЖАКнын Башкармалыгынын жана Директорлор кеңешинин мүчөсү болуп, Башкармалыктын төрагасы жана Директорлор кеңешинин төрагасы сыяктуу негизги жетекчилик кызматтарды аркалап, компаниянын стратегиялык өнүгүүсүн жана туруктуу өсүшүн камсыз кылган.

2026-жылдын 15-январынан баштап Банктын Башкармасынын төрагасынын орун басары болуп шайланган.

Кыргыз жана орус тилдеринде эркин сүйлөйт.

Маалыматтык технологиялар, маалыматтык коопсуздук жаатында мамлекеттик, өнөр жай жана финансы секторлорунда 25 жылдан ашык тажрыйбасы бар эксперт.

"МИФИ" Улуттук изилдөөчүлук ядролук университетинин (РФ, Москва ш.) магистри даражасына ээ.

Кесиптик ишмердүүлүгүндө инженердик кызматтардан баштап, банк секторундагы IT-багыттарын жетектөөгө чейинки жолду басып өткөн. IT-инфраструктураны куруу жана өнүктүрүү, корпоративдик маалымат системаларын киргизүү жана өтө маанилүү кызматтардын туруктуу иштешин камсыздоо боюнча тажрыйбасы бар.

Мамлекеттик мекемелерде, өнөр жайда жана транспорт секторунда, анын ичинде Ош областтык статистика комитетинде, "Дастан" ТНК ААКда жана "Кыргыз Темир Жолу" Улуттук компаниясынын филиалында – Маалыматтык-эсептөө камсыздоо (МЭК) бөлүмүндө иштеген, ал жерде ар кандай маалымат системаларын иштеп чыгууга жана коштоого катышкан.

Дүйнөлүк банктын колдоосу менен өткөн GTAC/GSAC эл аралык долбоорлоруна катышкан, ошондой эле Кыргыз Республикасынын Финансы министрлигинин алдындагы "Инфо-Система" мамлекеттик мекемесинде иштеген.

Банк секторунда жетекчилик кызматтарды аркалаган, анын ичинде Пакистан Улуттук банкынын Бишкек филиалында маалыматтык технологиялар боюнча менеджер болуп, IT-инфраструктураны өнүктүрүү жана банк системаларынын үзгүлтүксүз иштешин камсыздоо үчүн жооптуу болгон. Ошондой эле "Евразийский сберегательный банк" ААК жана "Аманбанк" РК ААКда жетекчилик кызматтарды аркалап, санариптик трансформацияны жана маалымат системаларын өнүктүрүүнү көзөмөлдөгөн.

2025-жылдан баштап - "Алма Финанс Банк" ААКнын Башкармалыгынын мүчөсү жана IT-департаментинин директору. Банктын IT-стратегиясын иштеп чыгуу жана ишке ашыруу, санариптик архитектураны өнүктүрүү, заманбап технологиялык чечимдерди киргизүү жана эл аралык стандарттарга ылайык киберкоопсуздукту камсыздоо үчүн жооптуу.

"Финансы жана кредит" адистиги боюнча Эл аралык башкаруу, укук, финансы жана бизнес академиясын аяктаган.

Банк жана финансы тармагында бухгалтердик эсеп, финансылык отчеттуулук жана контролдоо сыяктуу негизги багыттарды камтыган олуттуу иш тажрыйбасына ээ. Кесиптик ишмердүүлүгүн "РСК Банк" ААКта баштаган, ал жерде бухгалтердик эсеп бөлүмүнүн адисинен корпоративдик кардарларды эсепке алуу жана коштоо боюнча экспертке чейинки жолду басып өткөн, анын ичинде бухгалтердик эсеп жана отчеттуулук башкармалыгынын контролдоо тобунда да иштеген.

Кийинчерээк жетекчилик кызматтарды, анын ичинде ээлеген:

"РСК Банк" ААКтын Кант филиалынын башкы бухгалтери;

"РСК Банк" ААКтын Ысык-Көл филиалынын башкы бухгалтери.

Топ-менеджмент деңгээлинде ийгиликтүү иш тажрыйбасы бар — "Аймактык өнүктүрүү долбоордук финансылоо борбору" ААКта Башкармалыктын мүчөсү / Башкы бухгалтер кызматын аркалап, ал жерде бухгалтердик эсеп жана финансылык отчеттуулуктун натыйжалуу системасын түзүүнү камсыз кылган.

2020-жылдан баштап "Алма Кредит" ЖАКтын Башкармалыгынын мүчөсү / Башкы бухгалтер катары иштеп, компаниянын ишинин финансылык туруктуулугун жана ачык-айкындыгын камсыз кылган.

2026-жылдын 15-январынан баштап "Алма Финанс Банк" ЖАКнын Башкарманын мүчөсү / Башкы бухгалтер кызматын аркалап келет.

Бухгалтердик эсеп, финансылык отчеттуулук, ички контролдоо жана жөнгө салуу талаптарына шайкештик боюнча терең кесиптик компетенцияларга ээ. Жогорку тактыгы, системалуу мамилеси жана финансылык институттардын деңгээлинде финансылык функцияларды башкаруу боюнча практикалык тажрыйбасы менен айырмаланат.